தஞ்சை மே 12 முன்னாள் பிரதமர் ராஜீவ்காந்தி கொலை வழக்கில் கைதாகி சிறையில் உள்ள பேரறிவாளன் சாந்தன் முருகன் உள்ளிட்ட 7 பேரின் விடுதலை குறித்து தமிழக முதல்வர் மு க ஸ்டாலின் ஆலோசனை நடத்தினர். ராஜீவ்காந்தி கொலை வழக்கில் குற்றம் சாட்டப்பட்டு பேரறிவாளன் சாந்தன் முருகன் நளினி உள்ளிட்ட 7 பேர் கடந்த 27 ஆண்டுகளாக சிறையில் வாடி வருகின்றனர்.

இவர்களை விடுதலை செய்யக் கோரி பல்வேறு அரசியல் கட்சிகளும் அமைப்புகளும் தொடர்ந்து கோரிக்கை விடுத்து வருகின்றனர், இந்த நிலையில் உச்ச நீதி மன்ற 2018 ஆம் ஆண்டு பேரறிவாளன் உள்ளிட்ட 7 பேர் விடுதலை குறித்து ஆளுநர் முடிவு எடுக்கலாம் என தீர்ப்பளித்தது இதனைத் தொடர்ந்து தமிழ்நாடு அரசு சட்டமன்றப் பேரவையில் 2018 செப்டம்பர் ஒன்பதாம் தேதி பேரறிவாளன் உள்ளிட்ட 7 பேரையும் விடுதலை செய்ய வேண்டும் என ஒருமனதாக தீர்மானம் நிறைவேற்றி ஆளுநருக்கு அனுப்பிவைத்தது.

ஆனால் இதுநாள் வரை ஆளுநர் எந்த முடிவும் எடுக்கவில்லை, இதேபோல் உச்ச மன்றத்தில் பேரறிவாளன் உள்ளிட்ட 7 பேர் விடுதலை குறித்து ஆளுநர் முடிவெடுக்கலாம் என மத்திய அரசு தெரிவித்துள்ளது, ஆனால் 7 பேர் விடுதலை குறித்து ஆளுநர் எவ்வித முடிவும் எடுக்காமல் உள்ளார். அவர்களின் விடுதலை குறித்து பல்வேறு கட்சி தலைவர்கள் கோரிக்கை விடுத்து வருகின்றனர். இந்த நிலையில் தமிழக முதல்வர் மு க ஸ்டாலின் நேற்று மாலை சென்னை ஆழ்வார்பேட்டையில் உள்ள தனது இல்லத்தில் சட்டத்துறை அமைச்சர் ரகுபதி அட்வகேட் ஜெனரல் சண்முகசுந்தரம் மற்றும் அதிகாரிகளுடன் ஆலோசனை நடத்தினார்.

செய்தி க.சசிகுமார் நிருபர்.
தஞ்சை.

Newsletter Signup

Subscribe to our weekly newsletter below and never miss the latest product or an exclusive offer.